உலகில்
மனிதன் வாழ்ந்திட
அடிப்படைத் தேவை
மூன்று
உணவு உடை உறையுள்
சிறப்புடன் வாழ்ந்திட
அத்தியாவசியத் தேவை
மூன்று
கல்வி செல்வம் வீரம்
உடலுக்கு
வீரம் எனும் வலிமை
மனதிற்கு
கல்வி தரும் அறிவு
வாழ்வுக்கு
செல்வம் எனும் பொருள்
இங்கு
செல்வம் எனப்படுவது
பணம் அல்ல
மனிதனுக்கு
பயன்படும் அனைத்தும்
பணம் என்பது
பொருள்கள்
பரிமாற்றத்திற்காக
மனிதனால்
படைக்கப்பட்ட
ஓர் ஊடகம் மட்டுமே.
ஆனால் ... பணம்தான்
மனிதர்களை
இயந்திரங்களாக்கி
அவர்களின்
இன்பத்தை எங்கோ
தொலைத்தது
உலோகத்தால்
காகிதத்தால்
ஆனது என்றாலும்
பணம்தான்
இன்று உலகை
இயக்கும்
மற்றொரு செல்வம்
பணம் மட்டும்
வாழ்க்கையில்லை
பணம் இல்லாமலும்
வாழ்க்கையில்லை
சிந்தித்துப் பாருங்கள்
வாழ்க்கையில்
எது முக்கியம்
நிம்மதியா...? நிதியா...?
அமைதியா...? ஆடம்பரமா...?
பணத்தின் மதிப்பு
பதுக்கிவைப்பதில் அல்ல
பயன்படுத்துவதில்தான்
என்பது புரியும்
பணத்தின் பயன் ஈதலே
ஈதலுக்கு வேண்டியது
நீங்காத செல்வம்
- வேலூர் - கவிஞர் பொன். இராஜன் பாபு
No comments:
Post a Comment